डंपरची दुचाकीला धडक; दांपत्य जखमी

पिंपरी, ता. २६ : नाशिक-पुणे महामार्गावरील चिंबळी येथील बर्गे वस्ती सिग्नलजवळ डंपरने दुचाकीला धडक दिल्याने दांपत्य जखमी झाले आहे.
गौतम तुळशीराम गवळे (रा. कटकेवाडी, वाघोली, पुणे) असे गुन्‍हा दाखल झालेल्‍या व्यक्तीचे नाव आहे. तर विलास सखाराम भोसले (वय ५९, रा. नवले रेसिडेन्सी, पिंपळे सौदागर) असे जखमीचे नाव असून या प्रकरणी त्‍यांनी महाळुंगे एमआयडीसी पोलिस ठाण्‍यात फिर्याद दिली आहे. फिर्यादी आणि त्यांच्या पत्नी मालती भोसले हे दुचाकीवरून प्रवास करत होते. त्‍यावेळी आरोपीने त्याच्‍या ताब्‍यातील डंपरने भोसले यांच्या दुचाकीला धडक दिली. या अपघातात मालती यांच्या पायाला व डोक्याला दुखापत झाली तर विलास हे देखील जखमी झाले आहेत.