पिंपरी, ता. २७ : महापालिकेच्‍या तीन उपायुक्त संवर्गातील अधिकाऱ्यांच्‍या कार्यभारात बदल करण्यात आले आहेत. आरोग्य, नागरी सुविधा केंद्र आणि क्रीडा विभागामधील हे बदल करण्यात आले आहेत. आयुक्त शेखर सिंह यांची बदली झाल्यानंतर झाली आहे. त्यांच्या जागी मेट्रोचे व्यवस्थापकीय संचालक श्रावण हर्डीकर यांच्याकडे अतिरिक्त पदभार देण्यात आला आहे. त्यांनी पदभार स्वीकारला असून, दिवाळी संपताच महापालिकेतील महत्त्वाच्या विभागाच्या अधिकाऱ्यांची बदली केली आहे.
आरोग्य विभागाचे उपायुक्त सचिन पवार यांची बदली करून त्यांना निवडणूक व जनगणना विभागाची जबाबदारी दिली आहे. नागरी सुविधा केंद्राची जबाबदारी असलेले उपायुक्त प्रदीप ठेंगल यांच्‍यावर आरोग्य, नागरी सुविधा केंद्र आणि स्‍वच्‍छ भारत अभियानाची जबाबदारी दिली आहे. तर क्रीडा विभागाची जबाबदारी असलेले उपायुक्त पंकज पाटील यांच्‍यावर आता कर संकलन आणि क्रीडाचीही जबाबदारी राहणार आहे. महापालिकेचे तत्कालीन आयुक्त शेखर सिंह यांची बदली झाल्यानंतर वन व महसूल विभागाने मोनिका ठाकूर यांची अतिरिक्त आयुक्त म्हणून बदली केली. त्यानंतर लगेचच दुसऱ्या दिवशी महापालिकेतील कर संकलन विभागाचे कामकाज पाहणारे सहायक आयुक्त अविनाश शिंदे यांची देखील बदली झाली. सहायक आयुक्त अविनाश शिंदे यांची बदली झाल्यानंतर सोमवारी (ता. २७) त्यांना कार्यमुक्त करण्यात आले आहे. त्याबाबतचे देखील आदेश आयुक्त हर्डीकर यांनी काढले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.