अभिनव मंडळ विजेते

पिंपरी, ता.३१ : सांगवी विकास मंचातर्फे आयोजित किल्ले बनवा स्पर्धेत अभिनव तरुण मित्र मंडळाने विजेतेपद पटकाविले. चंद्रमणीनगर मित्र मंडळाने द्वितीय तर मधुबन मित्र मंडळ (बॉईज) यांनी तृतीय क्रमांक मिळविला.
स्पर्धेचे पारितोषिक वितरण प्राचार्य शिवाजी माने, सोमनाथ कोरे, सांगवी विकास मंचचे संस्थापक अध्यक्ष महेश भागवत यांच्या हस्ते झाले. विजेत्या स्पर्धकांना रोख पारितोषिक, सन्मानचिन्ह देऊन सन्मानित करण्यात आले. सर्व सहभागी स्पर्धकांना प्रशस्तीपत्रक व सन्मानचिन्ह प्रदान करण्यात आले. स्पर्धेत ३२ मंडळांनी सहभाग घेतला. मंचाचे कार्याध्यक्ष ओंकार भागवत यांनी प्रास्ताविक केले.