रामदूत हनुमान आदर्श कार्यकर्ता : ॲड. गोरडे

पिंपरी, ता. ३ : ‘‘रामदूत हनुमान म्हणजे आदर्श कार्यकर्ता होय,’’ असे प्रतिपादन ज्येष्ठ विधिज्ञ सहमंत्री ॲड. सतिश गोरडे यांनी केले.
राजगुरुनगर येथील वनवासी विद्यार्थी वसतिगृह येथे बजरंग दलाच्या वतीने दोन दिवसीय अभ्यासवर्गाचे आयोजन करण्यात आले होते. यावेळी ॲड. गोरडे बोलत होते. या प्रसंगी किशोर चव्हाण, नितीन वाटकर, संदेश भेगडे, भास्कर भगत, विभाग संयोजक आविष्कार सावंत, संजय गोडबोले आदी उपस्थित होते. दोन दिवसीय अभ्यासवर्गात नितीन वाटकर, संदेश भेगडे, भास्कर भगत यांनी मार्गदर्शन केले. समारोपप्रसंगी किशोर चव्हाण यांनी ‘नशामुक्त युवा अर्थात सशक्त भारत’ विषयावर मार्गदर्शन केले. गणेश रौंधळ, जिल्हा संयोजक अवधूत चौधरी, मनोज देशमुख, सुमित शिनगारे, प्रशांत खैरे, अजिंक्य तारू, अमोल ढमरे यांनी संयोजन केले.