मालमत्तेच्या वादातून दोन वाहने पेटवली

पिंपरी, ता. ९ : मालमत्ता नावावर करून देण्याच्या कारणावरून झालेल्या वादात दोघांनी दुचाकी व चारचाकी वाहन पेटवून दिले. ही घटना काळेवाडीतील ज्योतिबानगर येथे घडली. सचिन श्रीमंत हंगरगे आणि अमोल श्रीमंत हंगरगे (दोघेही रा. अष्टविनायक कॉलनी, ज्योतिबानगर, काळेवाडी) अशी अटक केलेल्या आरोपींची नावे आहेत. या प्रकरणी ५५ वर्षीय महिलेने काळेवाडी पोलिस ठाण्यात फिर्याद दिली आहे. आरोपींनी फिर्यादी यांच्या घराजवळ वाद घालून चारचाकी वाहन आणि दुचाकी या वाहनांवर पेट्रोल टाकून पेटवून दिले. तसेच दगडफेक करून वाहनांची आणि घराची काच फोडून फिर्यादी व त्यांच्या पतीला शिवीगाळ व मारहाण केली.
---