मद्यपान करण्यावरून भावावर गोळीबार

पिंपरी, ता. ११ : मद्यपान करण्यावरून झालेल्या वादात भावावर गोळीबार करण्याचा प्रकार पिरंगुट येथील सावकारवाडीत घडला. याप्रकरणी पोलिसांनी दोघांना अटक केली. ओंकार ऊर्फ सनी गोळे यात जखमी झाला. त्याचा भाऊ शुभम गोळे गोळीबारानंतर फरार झाला. त्याच्यासह संकेत सोनावणे, सागर ऊर्फ ऋषिकेश गोळे (वय ३१) आणि महेश कदम (वय २४, रा. पिरंगुट, ता. मुळशी, जि. पुणे) यांच्यावर पोलिसांनी गुन्‍हा दाखल केला. आरोपींनी संगनमत करून सनीला शिवीगाळ करीत मारहाण केली. शुभमने झाडलेली गोळी पोटात लागल्याने ओंकार जखमी झाला. पोलिसांनी सागर व महेश कदम या दोघांना अटक केली. न्यायालयाने त्यांना शुक्रवारपर्यंत पोलिस कोठडी दिली.
----------------