देहूतील अतिक्रमणावर कारवाईची मागणी

पिंपरी, ता. १२ : माळीनगर, देहूगाव येथे स्‍वमालकीच्‍या हिस्स्यातील जागेवर अतिक्रमण केले आहे. ते त्‍वरीत काढून घ्यावे, अशी मागणी देहूतील रहिवासी संभाजी बाळसराफ यांनी केली आहे. पुणे जिल्‍हाधिकारी कार्यालय, पीएमआरडीए, पिंपरी चिंचवड अप्‍पर तहसीलदार, देहू नगरपंचायत आदी कार्यालयांना त्‍यांनी निवेदन देऊन ही मागणी केली आहे.
‘‘कोणत्‍याही प्रकारची सरकारी मोजणी न करता ‘रेडझोन’बाधित क्षेत्र असूनही व कुठलेही खातेफोड न करता आमच्या जागेवर बांधकाम करण्यात आले आहे. बांधकाम करताना माझ्या हिस्‍स्‍याचे क्षेत्र सोडले नाही. त्‍याला माझी हरकत आहे. त्‍यामुळे त्‍वरीत हे बांधकाम थांबवावे. देहू नगरपंचायतीने देखील हे बांधकाम अनधिकृत असल्‍याचे सांगितले असल्‍याने त्‍यावर त्‍वरीत कार्यवाही व्‍हावी,’’ अशी मागणी बाळसराफ यांनी केली आहे.