व्यावसायिक नितीन गिलबीले यांचा खून आर्थिक वादातून

पिंपरी, ता. १५ : चऱ्होली येथे व्यावसायिक नितीन गिलबिले यांच्या खून आर्थिक वादातून झाल्याचे स्पष्ट झाले. याप्रकरणी पोलिसांनी आणखी एकाला अटक केली. यापूर्वी तिघांना अटक करण्यात आली आहे. या प्रकरणातील आरोपींची एकूण संख्या चार झाली आहे. त्यांना २१ नोव्हेंबरपर्यंत पोलिस कोठडी देण्यात आली.
आकाश सोमनाथ पठारे (वय २३, रा. चऱ्होली) असे चौथ्या आरोपीचे नाव आहे. पोलिसांनी याआधी मुख्य आरोपी अमित जीवन पठारे, विक्रांत सुरेश ठाकूर, सुमीत फुलचंद पटेल यांना अटक केली आहे. बुधवारी (ता. १२) सायंकाळी गिलबिले हे मित्रांसह खडीमशीन रस्त्यावर थांबले होते. त्यावेळी त्यांचे मित्र पठारे आणि ठाकूर हे दोघे मोटारीतून तेथे आले. त्यांनी गिलबिले यांना मोटारीत बसवले आणि त्यांच्या डोक्यात गोळी झाडली. यात गिलबिले यांचा मृत्यू झाला. या प्रकरणी पोलिसांनी शनिवारी पठारे, ठाकूर, पटेल यांना ताब्यात घेतले. चौकशीत आकाशही गुन्ह्यात सामील असल्याचे उघड झाल्याने त्यालाही पोलिसांनी अटक केली. पटेल हा वेळी गोळीबारापूर्वी व नंतरही दोन दिवस आरोपींबरोबरच होता. आकाशने पुरावे नष्ट करण्यासाठी आरोपींना मदत केली.
-------------