फत्तेचंद विद्यालयाच्या खेळाडूंची राज्यस्तरीय स्पर्धेसाठी निवड निवड...

पिंपरी, ता. १७ ः बारामती येथील जिल्हा क्रीडा संकुलामध्ये पार पडलेल्या १९ वर्षे वयोगटातील मुलांच्या विभागीय कराटे स्पर्धेत श्री फत्तेचंद जैन विद्यालय व ज्युनिअर कॉलेजच्या विद्यार्थ्यांना यश मिळविले.
अकरावीतील दीपक खोपसे या विद्यार्थ्याने ५२ किलो वजन गटात सुवर्ण पदक मिळविले. तसेच दीपकची राज्यस्तरीय स्पर्धेसाठी निवड झाली आहे. तर कर्वेनगर येथील इन्फिनिटी जिम्नॅस्टिक हॉल या ठिकाणी पार पडलेल्या विभागीय जिम्नॅस्टिक क्रीडा स्पर्धेत १२ वी मध्ये शिकत असलेल्या सार्थक नलावडे या विद्यार्थ्याने चौथा क्रमांक पटकाविला. सार्थकची सुद्धा राज्यस्तरीय स्पर्धेसाठी निवड झाली आहे.
या यशाबद्दल ॲड. राजेंद्र मुथा, संस्थेचे सहाय्यक अनिल कांकरिया, प्राचार्या सुनीता नवले, उपप्राचार्य अनिल गुंजाळ, क्रीडा प्रशिक्षक दाजी मदने यांनी यशस्वी विद्यार्थ्यांचे अभिनंदन केले .