मद्यपींचा अड्डा अन् सुरक्षा ‘राम भरोसे’

कासारवाडी
-----------------

पिंपरी ः कासारवाडी रेल्वे स्थानक नाशिक-पुणे महामार्गानजीक असल्याने अनेक प्रवासी या स्थानकावर उतरून पुढील प्रवास रस्तेमार्गाने करतात. पण, रेल्वे स्थानकात आरपीएफ आणि जीआरपीचे जवान नसल्यामुळे चोरीच्या घटना वाढल्या आहेत. स्थानकात मद्यपींचा मोठ्या संख्येने वावर आहे. पुण्याच्या दिशेने प्लॅटफॉर्म क्रमांक एकवर शेवटच्या टोकाला मद्यपींकडून तीन दगडे टाकून चूल पेटवली जाते. येथेच रात्री मद्यपी दारू पीत बसतात. त्यामुळे स्थानकाची सुरक्षा वाऱ्यावर असल्याचे दिसून येते. प्रवाशांना पिण्याची पाणी असले तरी पाणपोई प्रचंड खराब आहे. स्थानकावर येण्यासाठी असलेल्या प्रवेशद्वारावरच बेशिस्त वाहन चालकांकडून पार्किंग केली जात आहे. रेल्वे स्थानकाच्या बाहेर मोठ्या प्रमाणात अनधिकृत बांधकाम झाले आहे. त्यामुळे रेल्वे स्थानक असल्याचे दिसत देखील नाही.
----------
रेल्वे स्थानकावर बाहेरील लोक येऊन बसलेले असतात. स्थानकाची ‘सुरक्षा राम भरोसे’ असल्याचे दिसून येते. इतके मोठे रेल्वे स्टेशन आहे. पण, स्वच्छतागृह देखील नाही. प्रवाशांची प्रचंड गैरसोय होते.
- दिगंत शिंदे, प्रवासी

मी पुण्याला जाण्यासाठी रेल्वे स्थानकात आले. पण, दुपारी रेल्वे नसल्यामुळे आता स्थानकातच दोन तास बसावे लागेल. स्थानकात प्रचंड अस्वच्छता असल्याचे दिसून येते.
- पूर्वी नगरकर, प्रवासी

स्थानकाचे नाव - कासारवाडी
- स्थानकात रेल्वे सुरक्षा बलाचे (आरपीएफ) जवान आहेत का ? - नाही 
- स्थानकात लोहमार्ग पोलिस (जीआरपी) आहेत का ? - नाही
- स्थानकात मद्यपी, भिकारी यांचा वावर होता का? - हो 
- स्थानकात अनधिकृत विक्रेते आहेत का ? - नाही 
- स्थानकाबाहेर रिक्षांची गर्दी आणि अनधिकृत पार्किंग होते का ? नाही
- प्रवासी रेल्वे रूळ ओलांडून जातात का ? हो 
- स्थानकात प्राथमिक सुविधा आहेत का ? - हो 
- स्वच्छ्ता आहे का ? - नाही 
----------