ना विश्रांतीगृह, ना स्वच्छता

चिंचवड
-------------

पिंपरी ः चिंचवड रेल्वे स्थानकावर नांदेड-पनवेल, सिंहगड एक्स्प्रेस, दौंड-इंदूर, कोयना एक्स्प्रेसला आणि साईनगर शिर्डी एक्स्प्रेसला थांबा देण्यात आला आहे. त्यामुळे परराज्यात जाणाऱ्या प्रवाशांची संख्या अधिक आहे. मात्र, स्थानकातील प्लॅटफॉर्म क्रमांक एक आणि दोनवर असलेले प्रतिक्षालय तोडून टाकले आहे. प्लॅटफॉर्म क्रमांक तीन आणि चारवरील प्रतिक्षालय गेल्या एक ते दीड वर्षांपासून बंद आहे. स्थानकात दोन स्वच्छतागृह आहेत. पण, ती प्रचंड अस्वच्छ असून, दुर्गंधी पसरली आहे. बुकिंग काउंटरकडे जाण्यासाठी नीट रस्ता नाही. अमृत भारत स्टेशनअंतर्गत काम सुरू असल्याने स्थानकात राडारोडा पडलेला दिसतो. स्थानकात मद्यपींचा वावर असूनही आरपीएफ जवान कुठेही दिसून येत नाही. त्यामुळे मद्यपींवर कोणतीही कारवाई होत नाही.

कामशेतवरुन दररोज चिंचवड येथे येतो. बस किंवा खासगी वाहनांनी येणे परवडत नाही.म्हणून रेल्वेने येतो. स्थानकात स्वच्छतागृह बांधून तयार आहे. पण, त्याचा वापर करून देत नाही. जुनेच स्वच्छतागृह वापरावे लागते तेही अस्वच्छ आहे.
- कौशल कुंभार, प्रवासी

स्थानकाचे नाव - चिंचवड
- स्थानकात रेल्वे सुरक्षा बलाचे (आरपीएफ) जवान आहेत का ? - नाही  
- स्थानकात लोहमार्ग पोलिस (जीआरपी) आहेत का ? - हो 
- स्थानकात मद्यपी, भिकारी यांचा वावर होता का? - हो 
- स्थानकात अनधिकृत विक्रेते आहेत का ? - नाही 
- स्थानकाबाहेर रिक्षांची गर्दी आणि अनधिकृत पार्किंग होते का ? हो 
- प्रवासी रेल्वे रूळ ओलांडून जातात का ? हो 
- स्थानकात शौचालय या सारख्या प्राथमिक सुविधा आहेत का ? - हो 
- स्वच्छ्ता आहे का ? - नाही 
----------