सोमेश्वर ज्येष्ठ नागरिक संघातर्फे ४० जणांचे वाढदिवस

पिंपरी, ता.१३ : सोमेश्वर ज्येष्ठ नागरिक संघातर्फे ४० सदस्यांचे वाढदिवस साजरे करण्यात आले. यावेळी या सदस्यांचे सत्कार करण्यात आले.
कार्यक्रमात ज्येष्ठांनी गीतगायन केले. यावेळी गोपीनाथ शिंदे, प्रकाश पवार, पंढरीनाथ सानप, ज्येष्ठ नागरिक महासंघाच्या अध्यक्षा वृषाली मरळ आदींची उपस्थिती होती. कार्यक्रमाच्या अध्यक्षस्थानी संघाचे सभासद बबनराव जाधव होते. कार्यक्रमाचे अध्यक्ष व प्रमुख पाहुण्याचे हस्ते दीप प्रज्वलन करून कार्यक्रमास सुरुवात झाली. संघाचे उपाध्यक्ष देसले यांनी पाहुण्यांचा परिचय करून दिला. संघाचे अध्यक्ष सुदाम दिवटे यांनी सत्कार केला. सुरेश बडगुजर यांनी सूत्रसंचालन केले.