‘मेरा’ नंबर कब आएगा?

अविनाश ढगे
सकाळ वृत्तसेवा
पिंपरी, ता. १३ ः परिवहन कार्यालयात (आरटीओ) २२ जुलैपासून चॉईस नंबर’ ऑनलाइन घेण्याची सुविधा सुरू झाली. यानंतरही लिलाव अजूनही कार्यालयात ऑफलाइनच होत आह
प्रक्रियाही ऑनलाइन होणार असे जाहीर होऊन एक वर्ष उलटले. प्रत्यक्षात धक्कादायक बाब म्हणजे अजून पोर्टलच विकसित झालेले नाही. वाहन खरेदी केल्यानंतर आवडता नंबर घेण्याबाबत अनेक जण आग्रही असतात. जन्मतारीख, लकी नंबर, आधीच्या गाडीचा नंबर, जमिनीचा सात बारा किंवा नावांवरून तयार होणारे नंबर घेण्यास पसंती असते. राजकीय व्यक्ती, व्यावसायिक, चित्रपट क्षेत्रातील मंडळी यांची तर चॉईस नंबर’साठी लागतील तेवढे पैसे मोजण्याची तयारी असते.
पूर्वी यासाठी आरटीओत डीडी भरून नोंदणी करावी लागत होती. एकाच नंबरसाठी एकापेक्षा जास्त अर्ज आल्यास उपप्रादेशिक परिवहन अधिकाऱ्यांकडून लिलाव केला जात होता. यासाठी नागरिकांना आरटीओ कार्यालयात फेऱ्या माराव्या लागत होत्या. यातून नागरिकांची सुटका करण्यासाठी आणि पारदर्शक कार्यपद्धतीसाठी चॉईस नंबर’ निवड प्रक्रिया आणि लिलाव प्रक्रिया ऑनलाइन करण्याचा निर्णय झाला.
गेल्या वर्षी २२ जुलैपासून याची अंमलबजावणी सुरू झाली. चॉईस नंबर निवड प्रक्रिया ऑनलाइन झाली असली तरी लिलाव प्रक्रियेबाबत प्रतिक्षा कायम आहे. परिणामी नागरिकांना लिलाव प्रक्रियेसाठी आरटीओ कार्यालयात हेलपाटे मारावे लागत आहे. यात नागरिकांचा वेळ आणि पैसे वाया जात आहे.
-----------
नागरिकांसाठी चॉईस नंबर निवड प्रक्रिया ऑनलाइन सुरु झाली आहे. लिलाव प्रक्रियाही ऑनलाइन करण्यासाठी पोर्टल विकसित केले जाणार आहे. यासाठी अजून ऑर्डर काढलेली नाही. ऑर्डर निघाल्यावर लवकरच ‘एनआयसी’च्या (नॅशनल इन्फर्मेटिक्स सेंटर) साथीत पोर्टल विकसित केले जाईल.
- शैलेश कामत, परिवहन सहआयुक्त, संगणक विभाग
-----