तळवडे आयटी पार्कमध्ये रस्त्याची डागडुजी

पिंपरी, ता. १३ : महाराष्ट्र औद्योगिक विकास महामंडळाने (एमआयडीसी) तळवडे आयटी पार्कमधील कॅपजेमिनी कंपनीसमोरील जीवघेणे खड्डे बुजवले आहेत. तर, इतरत्र खड्डे तसेच आहेत. ‘एमआयडीसी’ प्रशासनाने उर्वरित खड्डेही लवकर बुजवण्याची मागणी उद्योजकांनी आणि नागरिकांनी केली आहे.
तळवडे आयटी पार्कसह ‘एमआयडीसी’मधील विविध रस्त्यांवर खड्डे पडले आहेत. खड्डे चुकविताना अपघात होत असून त्यात नागरिकांचा बळी जात आहे. सोमवारी (ता.१२) रात्री तळवडेतील कॅनबे चौकाजवळ कॅपजेमिनी कंपनीच्या प्रवेशद्वारासमोर अज्ञात वाहनाच्या धडकेत दुचाकीस्वार तरुण मृत्युमुखी पडला होता. या परिसरातील खड्डे जीवघेणे ठरत आहेत. याबाबत ‘सकाळ’ने मंगळवारी (ता.१२) ‘प्रशासनाला किती बळी हवेत?’ या मथळ्याखाली वृत्त प्रसिद्ध केले होते. यानंतर ‘एमआयडीसी’ प्रशासनाला जाग आली आहे. अपघातानंतर पथदिव्यांची रुस्ती केली आहे. मात्र, तळवडे आयटी पार्क आणि चाकण एमआयडीसीतील इतर रस्त्यांची दयनीय अवस्था झाली आहे. पथदिवे देखील बंद आहेत. एमआयडीसी प्रशासनाने इतर रस्त्यांवरील खड्डे लवकर बुजवावेत आणि इंड्युरन्स कंपनी चौक ते इंद्रायणी नदी या साडेचार किलोमीटर स्त्याचे काँक्रिटीकरण करण्याच्या कामाला गती देण्याची मागणी होत आहे.

तळवडे आयटी पार्क परिसरातील काही खड्डे बुजविण्यात आले. मात्र, इतरत्र परिस्थिती कायम आहे. प्रशासनाने इतरही रस्त्यांवरील खड्डे तातडीने बुजवावेत.
- राजेंद्र साबदे, उद्योजक

PNE25V39765