थंडीमुळे ज्वारीचे पीक जोमात
सोमाटणे, ता.१ ः पावसाची उघडीप व सुरु झालेली थंडी यामुळे ज्वारी, गहू, मसूर, वाटाणा या पिकास पोषक वातावरण मिळाल्याने पिकांची वाढ जोमात सुरु झाली.
यावर्षी मे महिन्यापासून सुरु झालेला पाऊस नोव्हेंबरच्या पहिल्या आठवड्यापर्यंत कायम राहिल्याने शेतकऱ्यांना ज्वारीच्या पेरण्या उशिरा कराव्या लागल्या. उशिरा पेरणी केल्याने पीक चांगले येईल की नाही अशी शंका शेतकऱ्यांना असताना पाऊस उघडल्यानंतर कडाक्याच्या थंडीला वेगाने सुरवात झाली. थंडीमुळे ज्वारीच्या पिकास आवश्यक असणारे पोषक वातावरण तयार झाले. या वातावरणामुळे अल्पावधीत ज्वारीची वाढ वेगाने सुरु झाली असून ज्वारीचे पीक तीन फुटापेक्षा अधिक उंचीने वाढले आहे. उशिरापर्यंत पाऊस सुरु राहिल्याने भात कापणी लांबणीवर होती, पर्यायाने भात खाचरात घ्यावे लागलेले गहू,
वाटाणा, मसूर या पिकांची पेरणी उशिरा झाली, परंतु थंडी अधिक असल्याने या सर्वच पिकांची वाढ चांगली सुरु झाल्याने शेतकरी
वर्गात उत्साहाचे वातावरण निर्माण झाले आहे, अशी माहिती कुसगावतील शेतकरी बाळासाहेब गायकवाड यांनी दिली.
PNE25V72518
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.