महिला आयटीआयतर्फे संविधान उद्देशिकेचे वाचन

पिंपरी, ता. २ ः पिंपरी चिंचवड महानगरपालिका तसेच महिला आयटीआय (औद्योगिक प्रशिक्षण संस्था) यांच्यातर्फे कासारवाडी येथे भारतीय संविधानाच्या उद्देशिकेचे सामूहिक वाचन करण्यात आले. प्रारंभी प्राचार्य ज्योत सोनवणे यांच्याहस्ते भारतरत्न डॉ. बाबासाहेब आंबेडकर यांच्या प्रतिमेला पुष्पहार अर्पण करण्यात आला. प्रशिक्षणार्थी प्रीती गायकवाड हिने संविधान गीत सादर केले. या कार्यक्रमास निदेशक सिद्धार्थ कांबळे, बबिता गावंडे, मनसरा कुमावणी, सोनाली निलवर्ण, मोहन कुदळे, मोईन शेख, संगीता पथवे, अनघा लांडे आदी उपस्थित होते.
-----