वाचक लिहीतात

बस दरवाढीचा फटका
‘सकाळ’ मध्ये बस पास बाबत बातमी वाचली. डेली पासचे पैसे वाढविल्यामुळे प्रवाशांनी पाठ फिरविली आहे. त्यामुळे ३२% प्रवासी संख्या घटली आहे. दोन दिवसापूर्वी केंद्र सरकारने देशाचा जीडीपी ८.२ % झाला असे घोषित केले. त्यामुळे माध्यमांनी ढोल बडवायला चालू केले. जर खरंच जीडीपी वाढला असता तर प्रवाशांनी बसकडे पाठ फिरविली असती का? दरवाढीमुळे लाखो प्रवाशांच्या खिशाला झळ बसत आहे. त्यांना मिळणाऱ्या रोजच्या पगारातून जर प्रवासासाठी ७० रुपये मोजावे लागले तर कुटुंबाचा उदरनिर्वाह कसा करायचा? तिकिटाचे टप्पे सुद्धा चुकीचे आहेत. जसे की मी पिंपळे सौदागरला बसमध्ये बसलो आणि मला शिवाजी नगरला जायचे आहे तर मला तिकीट काळेवाडी फाटा ते पुणे स्टेशन असे दिले जाते. म्हणजे प्रवाशांची लूटच होत आहे. मी जिथे बसलो आहे तिथूनच मला इच्छित स्थळी जायचे तेवढ्याच किलोमीटरचे तिकिट का दिले जात नाही?
- शिवाजी थोरात, काळेवाडी