प्लॅस्टिक संकलनासाठी बाटलीच्या प्रतिकृतीचे उद्घाटन

पिंपरी, ता. ४ ः पर्यावरणाचा ऱ्हास टाळण्यासाठी लायन्स क्लब ऑफ पूना निगडीने भक्ती-शक्तीच्या प्रवेशद्वारावर आणि आकुर्डी रेल्वेस्टेशन समोर प्लॅस्टिक संकलनासाठी लक्षवेधी बाटलीच्या आकारातील कचरा संकलन पात्राची उभारणी केली आहे. क्लबच्या अध्यक्षा रश्मी नायर यांच्या संकल्पनेतून पर्यावरणपूरक प्रकल्प हाती घेण्यात आला.
या प्रकल्पाचे उद्घाटन प्रांतपाल राजेश अगरवाल यांच्या हस्ते करण्यात आले.
प्रकल्पासाठी हर्ष नायर, चंद्रशेखर पवार, देविदास ढमे व दुर्गाशंकर बेहरा यांनी आर्थिक सहकार्य केले. महापालिकेतील सहाय्यक आयुक्त निवेदिता घारगे, सहाय्यक आरोग्य अधिकारी राजू साबळे व निरीक्षक लक्ष्मण साळवे यांचे सहकार्य प्रकल्प उभारणीस लाभले. प्लॅस्टिक संकलन पात्राची घडणी पराग जुवेकर यांनी प्लॅस्टिक कचरा हाताळण्यास सुसह्य होईल, अशी केली आहे. लायन्सचे पदाधिकारी मुकुंद आवटे, उमेश अगरवाल, व्ही. के. शर्मा, सदस्य उषा येवले, अशोक येवले, शिवकंन्या व आदिनाथ मुसमाडे, वृषाली व किरण सुरवाडे, सुदाम मोरे, रामकृष्ण मंत्री, संजय निंबाळकर आदी उपस्थित होते.