गुन्हे वृत्त

महापरिनिर्वाण दिनानिमित्त पिंपरीत वाहतुकीत बदल

पिंपरी, ता. ४ ः महापरिनिर्वाण दिनानिमित्त पिंपरीतील डॉ. बाबासाहेब आंबेडकर यांच्या पुतळ्याला अभिवादन करण्यासाठी दरवर्षीप्रमाणे यावर्षीदेखील भाविकांची मोठी गर्दी अपेक्षित आहे. वाहतूक कोंडी टाळणे आणि परिसरातील कायदा-सुव्यवस्था सुरळीत राखणे, यासाठी पिंपरी चौकाकडे जाणाऱ्या मार्गात तात्पुरते बदल करण्यात आले आहेत. शनिवारी (ता. ६) रोजी दुपारी १२ ते रात्री १० वाजेपर्यंत अत्यावश्यक वाहने वगळता इतर सर्व वाहनांसाठी हे बदल लागू राहणार आहेत.

असा असेल वाहतुकीत बदल
- महावीर चौक (चिंचवड) कडून येणाऱ्या वाहनांना चिंचवडच्या महावीर चौकातून डॉ. बाबासाहेब आंबेडकर चौक, पिंपरीकडे सेवा रस्त्याने येणाऱ्या वाहनांना प्रवेशबंदी असेल. ही वाहने डी-मार्ट येथील ग्रेडसेप्रेटर मार्गे इच्छितस्थळी जातील.
- नाशिक फाट्याकडून बाबासाहेब आंबेडकर चौक, पिंपरीकडे सेवा रस्त्याने येणाऱ्या वाहनांना प्रवेशबंदी असेल. ही वाहने वाहनचालक डेअरी फार्म ग्रेडसेप्रेटर इन आणि एच. पी. पंप खराळवाडी ग्रेडसेप्रेटर इन मार्गे इच्छितस्थळी जाऊ शकतात.
- स्व. इंदिरा गांधी उड्डाणपूल येथून डॉ. बाबासाहेब आंबेडकर चौक, पिंपरीकडे येणाऱ्या वाहनांना प्रवेश बंद असेल. या वाहनांनी मोरवाडी चौक मार्गे प्रवास करावा.
- नेहरूनगर चौकातून डॉ. बाबासाहेब आंबेडकर चौक, पिंपरीकडे जाणाऱ्या वाहनांना प्रवेशबंदी करण्यात आली आहे. या वाहनांना एच. ए. कॉर्नर बसस्टॉप येथून मासुळकर कॉलनी मार्गे इच्छितस्थळी जाता येईल.
-------------