युवा वैद्यांना ‘अभाविप’तर्फे मार्गदर्शन

पिंपरी, ता.१५ : युवा वैद्यांना त्यांच्या आयुर्वेदिक प्रॅक्टिसमध्ये यश मिळवण्यासाठी मार्गदर्शन केले जात आहे. यात अखिल भारतीय विद्यार्थी परिषद (अभाविप) जिज्ञासा पिंपरी चिंचवड महानगराच्या वतीने पुढाकार घेण्यात आला आहे. यात ‘क्लासरूम ते क्लिनिक : यशस्वी प्रॅक्टिसची दिशा’ विषयावर विशेष कार्यक्रमाचे आयोजन करण्यात आले होते.
या कार्यक्रमाला नागपूर येथील आयुर्वेदिक चिकित्सक युवा वैद्य नितीन आंबटकर प्रमुख वक्ते म्हणून मार्गदर्शन केले. आंबटकर यांनी युवा वैद्यांना त्यांच्या शैक्षणिक जीवनातून क्लिनिकल प्रॅक्टिसमध्ये प्रभावीपणे कसे पदार्पण करावे, याबद्दल महत्त्वपूर्ण माहिती दिली. डॉ. आंबटकरांनी युवा वैद्यांना केवळ वैद्यकीय ज्ञानच नव्हे, तर यशस्वी आणि नैतिक प्रॅक्टिससाठी व्यावहारिक ज्ञान व आत्मविश्वास आवश्यक आहे, असे मत व्यक्त केले. यावेळी डॉ. विवेक हरणे, श्रेयस प्रभुणे, कार्तिक पवार, सोहेल शेख, श्रुती खोसे, आदित्य वैराट व मोठ्या संख्येने विद्यार्थी उपस्थित होते.