गुन्हे वृत्त

शोरूममधील सेल्समनने
परस्पर विकला लॅपटॉप
पिंपरी : लॅपटॉप शोरूममध्ये सेल्समन म्हणून काम करणाऱ्या एका व्यक्तीने लॅपटॉप परस्पर विकून त्याचे पैसे कंपनीच्या खात्यात जमा केले नाहीत. पैसे स्वतःकडेच ठेवून त्याने मालकाची विश्वासघात करून फसवणूक केली. चिंचवडमधील काळभोरनगरमध्ये हा प्रकार घडला. याप्रकरणी प्रमोद शिवाजी भोजने (रा. चिंचवड) यांनी पिंपरी पोलिस ठाण्यात फिर्याद दिली. त्यानुसार पोलिसांनी मुकुंद कैलास भालेराव (रा. तळवडे, मूळ रा. नाशिक) याच्यावर गुन्हा दाखल केला. फिर्यादीच्या ‘वर्ल्ड ऑफ लॅपटॉप’ शोरूममधील ६७ हजार रुपये किमतीचा लॅपटॉप परस्पर विकला.
------------------------------

गांजा बाळगल्याने चौघांना अटक
पिंपरी : पिंपरी चिंचवड पोलिसांनी चार ठिकाणी कारवाई करून अमली पदार्थांची विक्री करणाऱ्या चार आरोपींना अटक करून त्यांच्याकडून गांजा जप्त केला. मोशीतील बोऱ्हाडेवाडीमधील कारवाईत उत्तरेश्वर श्रीहरी दुगाने (रा. मोशी प्राधिकरण, पुणे) याच्याकडून ४७ हजार ५०० रुपये किमतीचा गांजा जप्त केला. पिंपरीतील नेहरूनगरमध्ये रोहीत संतोष विश्वकर्मा (रा. नेहरूनगर, पिंपरी) याच्याकडून ३१ हजार ३०० रुपये किमतीचा गांजा जप्त करण्यात आला. निगडी ओटास्कीममधील कारवाईत गणेश अण्णा पवार (रा. अंकुश चौक, निगडी) याच्याकडून पोलिसांनी २७ हजार ५०० रुपये किमतीचा ५५० ग्रॅम गांजा जप्त केला. मरकळ येथील कारवाईत छोगाराम मानाराम देवासी (रा. मरकळ, ता. खेड, पुणे) याला अटक करून त्याच्याकडून एक लाख ८० हजार रुपये किमतीचा गांजा जप्त केला.
--------------------------------------------------------------------------
जुगार प्रकरणी आठ जणांवर गुन्हा
पिंपरी : निगडीतील ट्रान्सपोर्ट नगरमध्ये जुगार खेळणाऱ्या आठ जणांवर पोलिसांनी गुन्हा दाखल केला. राकेश पाटील, सतीश कोळी, शिवाजी शेंडगे, शिवाजी वजरकर, ओमप्रकाश जगताप, गुलाब अली, तानाजी नायकुडे, वामन शेंडगे अशी आरोपींची नावे आहेत. पोलिसांनी छापा टाकून त्यांच्याकडून रोख सात हजार ५४० रुपये आणि इतर मुद्देमाल जप्त केला.
-----------------------