‘इंडियन डेंटल असोसिएशन’च्या अध्यक्षपदी डॉ. विनयकुमार शेट्टी

पिंपरी, ता. १९ ः इंडियन डेंटल असोसिएशन पिंपरी-चिंचवड शहराध्यक्ष पदी डॉ. विनयकुमार शेट्टी यांची निवड करण्यात आली. तसेच सचिवपदी डॉ. गौरव विसपुते तर खजिनदार पदी डॉ. दीपाली पाटेकर यांची निवड करण्यात आली.
असोसिएशनच्या कार्यकारिणी मंडळाची वार्षिक सर्वसाधारण सभा वाल्हेकरवाडी येथे पार पडली. यावेळी २०२६ ची नवीन कार्यकारिणी जाहीर करण्यात आली. शेट्टी यांनी त्यांचे दंत वैद्यकीय शिक्षण मंगळूर येथील के. वी. जी. दंत वैद्यकीय महाविद्यालयातून पूर्ण केले. तसेच २००२ पासून वाय. सी. एम. सरकारी रुग्णालयातून वैद्यकीय सेवेला सुरवात केली.