माजी नगरसेवकांचा भाजपमध्ये प्रवेश

पिंपरी, ता. २३ ः राष्ट्रवादी काँग्रेसचे माजी नगरसेवक उल्हास शेट्टी व प्रसाद शेट्टी आणि शिवसेनेचे माजी नगरसेवक प्रकाश बाबर, माजी नगरसेविका शारदा बाबर यांनी भारतीय जनता पक्षात प्रवेश केला. आमदार महेश लांडगे यांनी त्यांचे स्वागत केले. मोरवाडीतील पक्ष कार्यालयात हा कार्यक्रम झाला. यावेळी आमदार अमित गोरखे, दक्षिण भारतीय आघाडीचे प्रमुख राजेश पिल्ले आदी उपस्थित होते. आमदार लांडगे म्हणाले, ‘‘पंतप्रधान नरेंद्र मोदी यांच्यावर ठाम विश्वास ठेवून अनेक माजी नगरसेवक, पदाधिकारी भाजपमध्ये प्रवेश करीत आहेत. आम्ही सर्व मिळून शहराच्या विकासासाठी योगदान देणार आहोत.’’
---