पाणी गाळून, उकळून प्यावे

सोमाटणे, ता. २५ : सततच्या पावसाने पाणी गढूळ होत आहे. त्यामुळे नागरिकांनी पाणी गाळून, उकळून वापरावे असे आवाहन आरोग्य विभागाने केले आहे.
या वर्षी मावळात गेल्या महिनाभरापासून जोरदार पाऊस होत आहे. यामुळे डोंगर, दऱ्यांतून वाहणारे पाणी गढूळ झाले असून त्यात जंगलातील वनस्पतींचा पाला, वनस्पती, मृत प्राण्यांचे अवशेष असे अनेक घटक मिसळतात. परिणामी, अशा पाण्यामुळे मानवी आरोग्यास धोका होऊ शकतो. असे आजार टाळण्यासाठी नागरिकांनी काळजी घेण्याची गरज आहे. त्यामुळे पाणी गाळून, उकळून, शुद्ध करुन वापरावे. ग्रामपंचायतीने टाकी, विहिरीत नियमित औषध टाकून पाणी स्वच्छ करावे, असे आवाहन प्राथमिक आरोग्य केंद्र आढलेचे आरोग्य अधिकारी डॉ. दिलीप जोशी यांनी केले आहे.