पवना नदीत विसर्ग; सतर्कतेचा इशारा

पिंपरी, ता. २४ ः पवना धरण गुरुवारी (ता. २४) सायंकाळी सहा वाजेपर्यंत ८१.२३ टक्के भरले. पाणलोट क्षेत्रात पाऊस चालू असून धरणामध्ये पाण्याचा ओघ सुरू आहे. त्यामुळे धरणातील पाणीसाठा नियंत्रित करण्यासाठी सांडव्यातून नदीपात्रामध्ये नियंत्रित पद्धतीने १६०० क्युसेसप्रमाणे विसर्ग केला जाऊ शकतो. शिवाय, धरणाच्या खालील बाजूसही पाऊस सुरू असल्याने नदीपात्रात पाण्याची पातळी वाढू शकते. त्यामुळे पिंपरी चिंचवड शहर परिसरातील नदी काठच्या रहिवाशांनी सतर्क राहावे. नदीपात्रात साहित्य, वाहने, जनावरे असल्यास तत्काळ सुरक्षित स्थळी स्थलांतरित करावी, असे आवाहन मध्यवर्ती पूरनियंत्रण कक्षाच्या संनियंत्रण अधिकारी श्वेता कुऱ्हाडे यांनी केले आहे.