सततच्या पावसामुळे रोपवाटिका व्यवसाय अडचणीत
सोमाटणे, ता. २७ : सततच्या पावसामुळे रोपवाटिका व्यवसाय अडचणीत सापडला आहे. पावसामुळे तयार रोपांचे मोठ्या प्रमाणावर नुकसान झाले असून, नवीन रोपे तयार करण्याचे कामही ठप्प झाले आहे. परिणामी, रोपांची मागणी घटल्याने शेतकरी आणि रोपवाटिका व्यावसायिक आर्थिक अडचणीत आले आहेत.
सोमाटणे, परंदवडी, शिरगाव परिसरातील अनेक तरुण शेतकऱ्यांनी शेतीला जोडधंदा म्हणून गेल्या दोन दशकांपासून रोपवाटिका व्यवसाय सुरू केला. पुणे-मुंबईजवळील हे ठिकाण, बारमाही पाण्याची उपलब्धता आणि शहरांमध्ये फुलझाडे व फळझाडांना वाढती मागणी यामुळे या व्यवसायाला चांगले यश लाभले होते. काळानुसार रोपांना मागणी वाढत गेल्याने गेल्या दोन दशकांपासून हा व्यवसाय तेजीत सुरू आहे.
दरवर्षी नोव्हेंबर ते जून या कालावधीत रोपे तयार केली जातात. मात्र, यंदा १५ मेपासून सुरू झालेल्या मुसळधार पावसामुळे माती ओलसर झाल्याने रोपे तयार करण्याचे काम थांबले. काही प्रमाणात तयार झालेली रोपेही सततच्या पावसामुळे खराब झाली. पावसामुळे रोपांची मागणीही घटल्याने शेतकऱ्यांची तयार रोपे विक्रीअभावी रोपवाटिकेत पडून आहेत. यावर्षी चांगली मागणी वाढून पैसे अधिक मिळतील या उद्देशाने अनेकांनी नेहमीपेक्षा अधिक रोपे तयार केली होती. चांगले पैसे मिळतील या आशेने व्यावसायिक असताना पावसाने रोपे खराब झाल्याने मोठे नुकसान झाले असून मागणी घटल्याने रोपवाटिका व्यवसाय अडचणीत आला आहे.
‘‘पावसाने अनेकांची रोपे खराब झाली. नवीन रोपे तयार करण्यात अडचणी आल्या. खते, मजुरी, कीटकनाशकांच्या किमती वाढल्याने या वर्षी रोपवाटिका व्यवसाय अडचणीत आला आहे.
- नवनाथ मुऱ्हे, रोपवाटिका व्यावसायिक, सोमाटणे
PNE25V34836
---
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.