पिंपरी, ता. २७ : भांडणाच्या रागातून चिखली येथील टॉवरलाईन येथे एका तरुणाने वाहनांची तोडफोड करून कोयत्याचा धाक दाखवीत २५ हजार रुपये लुटले. या प्रकरणी धनंजय धोंडिबा मावळे (रा. सिंहगड हाउसिंग सोसायटी, म्हेत्रे वस्ती, चिखली) यांनी चिखली पोलिस ठाण्यात फिर्याद दिली. त्यानुसार पोलिसांनी राहुल दत्ता कुदळे (वय २३, रा. महापालिका शाळेजवळ, निगडी) याला अटक केली.
फिर्यादी आणि त्यांचा मित्र स्वप्नील वंजारी टॉवरलाईन परिसरात गाडी लावत होते. त्यावेळी आरोपी तेथे आला. आदल्यादिवशी झालेल्या भांडणाच्या रागातून त्याने फिर्यादीच्या गाडीची मागील काच दगड मारून फोडली. त्यानंतर फिर्यादीला कोयता दाखवून मारण्याची धमकी देत त्याने गाडीतील २५ हजार रुपये जबरदस्तीने घेतले. तेथे जमलेल्या लोकांना भीती दाखवत त्याने कोयता हवेत फिरवला.
फिर्यादीच्या गाडीसमोर लावलेल्या दुसऱ्या गाडीची काच त्याने दगड मारून फोडली. तो दुचाकीवरून पळून जात असताना काही लोकांनी त्याला पकडले. ते मारहाण करीत असताना आरोपी धक्काबुक्की करून पसार झाला होता.
---------
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.