देवगड हापूस खातोय भाव

पिंपरी, ता. ४ ः आंब्यांचा राजा म्हणून ओळखला जाणारा देवगड हापूस आंबा यंदाही आपल्या दारापर्यंत पोहोचण्यासाठी सज्ज झाला आहे. दरवर्षीप्रमाणे देवगड हापूसची खास चव चाखण्यासाठी सुरुवात झाली असून, आंबाप्रेमींसाठी ही पर्वणीच म्हणावी लागेल. मात्र, या आंब्यांचे भाव सध्या गगनाला भिडलेले असून, आवक वाढल्यानंतर त्याच्या किमतीत मोठी घसरण होण्याची शक्यता आहे.
पिंपरी-चिंचवडमधील नागरिकांना आता व्यापारी घरबसल्या आंब्याच्या पेट्या पोहोचवत असून, अगदी मुंबई आणि पुणे शहरांमध्ये दोन डझन किंवा त्याहून अधिक आंब्यांच्या मागणीवर मोफत घरपोच सुविधा काही व्यापाऱ्यांकडून दिली जाणार आहे. त्यामुळे शहरातील अनेक कुटुंबे या हंगामाची आतुरतेने वाट पाहत होती. मात्र, सध्या हापूस आंब्याची आवक कमी असल्याने दर जास्त आहेत. त्यामुळे नागरिकांकडून पाहिजे तेवढा प्रतिसाद मिळत नसल्याचे व्यापारी सांगत आहेत.

आंब्याचे दर
वजन (ग्रॅममध्ये) - प्रतिडझन रुपये
२०० ते २५० - १८००
१७० ते २०० - १६००
१५० ते १७० - १३००
---