वाचक लिहीतात

ओला टॅक्सी भाड्यात तफावत

निगडीहून शिवाजीनगर हे अंतर जवळपास वीस किमी आहे. त्यासाठी ‘ओला’ मिनी टॅक्सी २७४ रुपये भाडे आकारते. मात्र शिवाजीनगर येथून निगडीपर्यंत ‘ओला’ मिनी टॅक्सी बुक केली. तेव्हा गाडीत बसल्यानंतर ड्रायव्हरने २५ रुपये प्रति किलोमीटर भाडे पडेल असे सांगितले. तेवढ्याच अंतरासाठी ४७५ रुपये मोजावे लागले. एवढे भाडे का असे विचारल्यावर ही भाडेवाढ सरकारमान्य असल्याचे ड्रायव्हरने सांगितले. सहा सीटर टॅक्सीसाठी हाच दर ३४ रुपये प्रति किलोमीटर असल्याचेही त्याने सांगितले. हे खरे असेल तर महाराष्ट्र सरकार किंवा पुणे आणि पिंपरी चिंचवड प्रादेशिक परिवहन अधिकाऱ्यांनी याबाबत खुलासा केला पाहिजे. ओला टॅक्सी साठी महाराष्ट्रातील अन्य कोणत्याही शहरात भाडेवाढ लागू नसताना पुणे आणि पिंपरी चिंचवड शहरात ही भाडेवाढ का?
- शिवराम वैद्य, निगडी