वाचक लिहीतात

सर्व रेल्वेगाड्यांचा थांबा द्या
चिंचवड स्टेशनहून पुणेच्या दिशेने जाणाऱ्या म्हणजे विदर्भ, मराठवाडा, खानदेश, आंध्र, कर्नाटक, गोवा इत्यादी दिशेला जाणाऱ्या व मुंबई दिशेला जाणाऱ्या म्हणजे गुजरात, राजस्थान, मध्यप्रदेश, दिल्ली इकडे सर्व रेल्वे गाड्यांना चिंचवड स्टेशनला थांबा द्यावा. कारण, पिंपरी चिंचवडमध्ये पूर्ण भारतातील लोक राहतात. चिंचवड स्टेशनला सर्व रेल्वे गाड्यांना येथे दोन मिनिट थांबा द्यावा. चिंचवड स्टेशनला सर्व रेल्वे गाड्यांना थांबा दिला, तर पुणे रेल्वे स्टेशनवर होणारी गर्दी आपोआप बऱ्यापैकी कमी होईल. लोकांना होणारा त्रास पण वाचेल. पिंपरी चिंचवडमधून जाणाऱ्या लोकांची गर्दी पण रस्त्यावर कमी होईल म्हणून हा विचार रेल्वे प्रशासनाने करून सर्व गाड्यांना चिंचवड स्टेशन येथे थांबा द्यावा.
- श्रीराम हरे, चिंचवड स्टेशन