अहिर सुवर्णकार समाज क्रिकेट स्पर्धेचे उद्‍घाटन

पिंपरी, ता. १२ ः अहिर सुवर्णकार समाजाच्यावतीने आयोजित अहिर सुवर्णकार समाज क्रिकेट स्पर्धा २०२६ ला मोठ्या उत्साहात सुरुवात झाली. संघटनेचे अध्यक्ष भगवान वानखेडे यांच्या हस्ते स्पर्धेचे उद्‍घाटन करण्यात आले. यावेळी सचिव गणेश सोनार, खजिनदार शिवाजी सोनार, सहखजिनदार कैलास पैठणकर, प्रमोद काशीकर, दीपक सोनार, सुनील निकुंभ, प्रवीण सोनार, ऋषिकेश देवरे आणि महिला अध्यक्ष स्मिता सोनार उपस्थित होते. यंदाच्या क्रिकेट स्पर्धेत तोरणा टायटन, सिंहगड फलटण, जंजिरा आणि शिवनेरी या संघानी सहभाग नोंदवला आहे. ही क्रिकेट स्पर्धा समाजात एकोपा, मैत्री आणि क्रीडासंस्कृती वाढविण्यासाठी निश्चितच प्रेरणादायी ठरणार असल्याचे मत यावेळी उपस्थितांनी व्यक्त केले.