भोंडवे वस्ती येथील बस स्थानकाजवळ खड्डा

रावेत, ता. १६ ः मुकाई चौक-औंध बीआरटी मार्गावरील भोंडवे वस्ती येथील बीआरटी बस स्थानकाजवळ रस्त्यावर खड्डा पडल्याने वाहतूक विस्कळीत होत आहे. स्थानकात प्रवेश करताना बसना तारेवरची कसरत करावी लागत आहे. परिणामी, अपघाताचा धोका निर्माण झाला आहे.
भोंडवे वस्ती बीआरटी स्थानक हा औंध-रावेत मार्गावरील अत्यंत महत्त्वाचा थांबा आहे. दररोज या मार्गावर हजारो प्रवासी ये-जा करतात. मात्र, काही दिवसांपूर्वी झालेल्या पावसामुळे तेथे खड्डा पडला आहे. त्यात पाणी साचल्याने परिसरात चिखल तयार झाला असून दुचाकी घसरण्याची शक्यता वाढली आहे.

रस्त्यावर खड्डा पडल्यने बीआरटी बस थांबताना हलते. त्यामुळे प्रवाशांमध्ये धोक्याची भावना निर्माण होते. प्रशासनाकडून तातडीने दुरुस्ती व्हावी.
- किरण जगताप, प्रवासी

रस्त्याचे काही ठिकाणी काम सुरू आहे. लवकरच तेथील काम पूर्ण केले जाईल.
- प्रवीण धुमाळ, उपअभियंता (पाणीपुरवठा), ब क्षेत्रीय कार्यालय