‘टिजीएच कॅन्सर सेंटर’तर्फे कर्करोग तपासणी शिबिर

तळेगाव दाभाडे, ता. ५ ः गणेशोत्सवाच्या पार्श्वभूमीवर टिजीएच ऑन्कोलाइफ कॅन्सर सेंटरतर्फे तळेगावमधील सात गणेश मंडळांमध्ये मोफत कर्करोग तपासणी शिबिराचे आयोजन करण्यात आले. उज्ज्वल मित्र मंडळ (पिंपरी गाव), नदीचा राजा गणेश मंडळ (चिखली), निसर्ग परिवार गणेशोत्सव मंडळ (तळेगाव दाभाडे), बाल विजय गणेश मंडळ (मोरदेवाडी, मंचर), अश्वंत नगर सोसायटी गणपती मंडळ (तळेगाव दाभाडे), अवज्योत तरुण मित्र मंडळ (मामुर्डी) आणि जय हनुमान मित्र मंडळ (रातोवाडी) या मंडळांचा यात समावेश होता.
या उपक्रमात तोंडाच्या कर्करोगाची तपासणी, थर्मल ब्रेस्ट स्क्रीनिंग तसेच गर्भाशय मुखाच्या कर्करोगाची तपासणी करण्यात आली. प्रत्येक तपासणीसाठी १५ ते २० मिनिटांचा कालावधी लागत असल्याने भाविकांनी मोठ्या संख्येने सहभाग नोंदवला. शिबिरात २७८ नागरिकांनी (६० पुरुष व २१८ महिला) तपासणी करून घेतली. त्यापैकी २०-८० वयोगटातील पुरुष व महिलांसाठी तोंडाचा कर्करोग तपासला गेला. महिलांसाठी थर्मल ब्रेस्ट स्क्रीनिंग (२०-८० वर्षे) आणि गर्भाशय मुखाची तपासणी (२५-६० वर्षे) करण्यात आली. यातून १२ व्यक्तींना (नऊ महिला व तीन पुरुष) पुढील तपासण्या व सल्ल्यासाठी विशेष सवलतीचा लाभ देण्यात येणार आहे.
टिजीएच ऑन्कोलाइफ कॅन्सर सेंटरचे व्यवस्थापकीय संचालक सचिन देशमुख म्हणाले, ‘‘गणरायाच्या दाराशी आरोग्य तपासणी व जागरूकता करणे हे आमचे उद्दिष्ट्य होते. समाजासाठी पुढेही असेच उपक्रम राबविण्याचा आमचा मानस आहे.
---