तळेगाव दाभाडेत आज पाणीपुरवठा बंद

तळेगाव दाभाडे, ता.२५ ः शहराला पाणीपुरवठा करणाऱ्या यंत्रणेमधील सोमाटणे जॅकवेल ते चौराई जलशुद्धीकरण केंद्र यादरम्यान विद्युत वाहिन्यांना अडथळा निर्माण करणाऱ्या झाडांच्या फांद्या कापण्याचे काम हाती घेण्यात आले आहे. या कामामुळे शुक्रवारी (ता.२६) सकाळी ९ ते दुपारी २ वाजेपर्यंत शहरातील संपूर्ण गाव भाग तसेच स्टेशन भागातील वडगाव फाटा ते स्टेशन चौक दरम्यानचा पाणीपुरवठा बंद राहणार आहे. त्याची नोंद घेऊन या काळात पाणी जपून वापरण्याचे आवाहन तळेगाव दाभाडे नगर परिषदेने केले आहे.