‘फ्रेंड्स ऑफ नेचर’तर्फे सापांबद्दल प्रबोधन

तळेगाव स्टेशन, ता. ३० : नागपंचमीचे औचित्य साधून मावळ, मुळशी आणि हवेली या तीन तालुक्यांतील पाच शाळांमध्ये सापांविषयी मार्गदर्शन आणि जागृतीपर कार्यक्रमाचे आयोजन करण्यात आले. यासाठी फ्रेंड्स ऑफ नेचर असोशिएशन, राष्ट्रीय हरित सेना आणि सामाजिक वनीकरण विभागाने पुढाकार घेतला.

‘फ्रेंड्स ऑफ नेचर’ ही संस्था मागील २६ वर्षांपासून हा उपक्रम राबवते. यंदा नागपंचमीच्या आदल्या दिवशी पुण्यातील अहिल्यादेवी हायस्कूलमधील पर्यावरण मडळांतर्गत विषारी, बिनविषारी सर्पविषयक माहिती सत्राचे आयोजन सामाजिक वनीकरण विभागाचे वन परिक्षेत्र अधिकारी पोपटराव कापसे यांनी केले होते. ‘फ्रेंड्स ऑफ नेचर’तर्फे श्रीनिवास कांबळे यांनी सर्वांविषयी विस्तृत माहिती विद्यार्थिनींना सांगितली. सापांविषययीच्या शंका आणि गैरसमजांचे निरसन केले. कार्यक्रमानंतर वनीकरण विभागाच्या वतीने पोपटराव कापसे आणि दिलीप कडुसकर यांच्या हस्ते विद्यार्थ्यांना रोपांचे वाटप करण्यात आले.
पाषाण येथील लोकसेवा विद्यालयात शेखर जांभुळकर यांनी सापांच्या विविध जातीविषयी माहिती आणि स्वसंरक्षणाबाबत मार्गदर्शन करण्यात आले.
तळेगावातील यशवंतनगरमधील सरस्वती विद्द्या मंदिर शाळेमध्ये फ्रेंडस ऑफ नेचरच्या प्रा. पूजा डोळस यांनी मुलांना सापांविषयखी मार्गदर्शन केले. रामभाऊ परुळेकर विद्यानिकेतन येथे प्रा. सुपर्णा गायकवाड यांनी मार्गदर्शन केले.
सदर उपक्रमासाठी ‘फ्रेंडस ऑफ नेचर’चे संस्थापक अध्यक्ष महेश महाजन, अध्यक्ष डॉ. गणेश सोरटे, मारुतराव सावंत, विश्वास देशपांडे आदींनी सहकार्य केले.