वडगावसाठी राष्ट्रवादीच्या १६ उमेदवारांची नावे जाहीर

वडगाव मावळ, ता. १५ : वडगाव नगरपंचायतीच्या निवडणुकीसाठी राष्ट्रवादी काँग्रेस पक्षाने १७ पैकी १६ जागांसाठी उमेदवारांची नावे जाहीर केली. हे सर्व जण रविवारी (ता. १६) उमेदवारी अर्ज दाखल करतील, अशी माहिती पक्षाचे तालुकाध्यक्ष गणेश खांडगे शनिवारी रात्री पत्रकार परिषदेत दिली.
ही निवडणूक प्रथमच पक्षाच्या घड्याळ या चिन्हावर लढविण्यात येईल. उमेदवारीसाठी बरीच चुरस होती. शहराचा विकास हाच दृष्टिकोन ठेवून उमेदवार निवडण्यात आले, असे त्यांनी सांगितले. यावेळी गणेश ढोरे, दीपक हुलावळे, ज्येष्ठ नेते मंगेश ढोरे, बाळासाहेब ढोरे, सुनील चव्हाण आदी नगराध्यक्षपदाच्या उमेदवार अबोली ढोरे, सुनीता कुडे आदी यावेळी उपस्थित होते.
प्रभागनिहाय उमेदवार असे ः प्रभाग १ - पूनम विकी भोसले, २ - प्रवीण विठ्ठल ढोरे, ३ - भाऊसाहेब तुकाराम ढोरे, ४ - सुनीता राहुल ढोरे, ५ - वैशाली पंढरीनाथ ढोरे, ६ - मयूर प्रकाश ढोरे, ७ - अजय महेंद्र भवार, ८ - माया अमर चव्हाण, १० - आकांक्षा योगेश वाघवले, ११ - सुनील गणेश ढोरे, १२ - गणेश सोपान म्हाळसकर, १३ - अजय बाळासाहेब म्हाळसकर, १४ - वैशाली गौतम सोनवणे, १५ - राजेंद्र विठ्ठलराव कुडे, १६- मीनाक्षी गणेश ढोरे, १७ - अर्चना ज्ञानेश्वर ढोरे.
-----