वडगावात १२ अर्ज बाद

वडगाव मावळ, ता. १८ : वडगाव नगर पंचायतीच्या निवडणुकीसाठी दाखल ८९ उमेदवारी अर्जांची छाननी करण्यात आली. यात
७७ वैध, तर १२ अर्ज बाद ठरले. या बाबतची माहिती निवडणूक निर्णय अधिकारी मनीषा तेलभाते, सहाय्यक निवडणूक अधिकारी डॉ. प्रवीण निकम यांनी दिली.
नगर पंचायतीच्या निवडणुकीत नगराध्यक्ष पदासाठी सात, तर नगरसेवक पदाच्या १७ जागांसाठी एकूण ८२ असे एकूण ८९ उमेदवारी अर्ज दाखल झाले होते. उमेदवारांच्या उपस्थितीत या अर्जांची मंगळवारी (ता.१८) छाननी करण्यात आली. अवैध अर्जामध्ये नगराध्यक्ष पदाचा एक, तर नगरसेवक पदाच्या ११ अर्जांचा समावेश आहे.