पदक विजेत्या कबड्डीपटूंचा सन्मान

वाकड, ता.२६ : राज्य कबड्डी असोसिएशनच्या मान्यतेने झालेल्या १८ वर्षांखालील राज्य निवड चाचणी कबड्डी स्पर्धेत पिंपरी चिंचवड महापालिकेच्या क्रीडा - कला विकास प्रकल्प कबड्डी संघाच्या शहराचे प्रतिनिधित्व करत रौप्य पदक मिळविले. त्याबद्दल महापालिकेच्यावतीने संघातील खेळाडूंचा गौरव करण्यात आला.
डिंपल उडानशिवे, अंजली पोळ, नंदिनी साधू यांनी पिंपरी चिंचवड शहराचे प्रतिनिधित्व करत पहिल्या प्रयत्नात यश मिळविल्याने महापालिकेचे सहआयुक्त मनोज लोणकर यांच्या हस्ते तसेच ग प्रभाग क्षेत्रीय अधिकारी किशोर ननवरे, स्थापत्य विभागाचे कार्यकारी अभियंता नितीन निंबाळकर, जहीर मोमीन यांच्या उपस्थितीत सन्मान झाला. या खेळाडूंना खासदार श्रीरंग बारणे, क्रीडा उपायुक्त पंकज पाटील, क्रीडा अधिकारी रंगराव कारंडे, प्रशासन अधिकारी ग्यानचंद भाट यांचे सहकार्य लाभले. प्रशिक्षक बन्सी आटवे, सोनाली जाधव यांचे मार्गदर्शन लाभले.