माणमध्ये स्वच्छता दिंडी

हिंजवडी, ता. ६ : ग्रामपंचायत माण येथे मुख्यमंत्री समृद्ध पंचायतराज अभियाना अंतर्गत स्वच्छता दिंडीचे आयोजन करण्यात आले. यावेळी गावातील महिला बचत गट, भजनी मंडळ, अंगणवाडी सेविका, आशा सेविका, जिल्हा परिषद प्राथमिक शाळा, ग्रामपंचायत कर्मचाऱ्यांसह मोठ्या संख्येने ग्रामस्थ सहभागी झाले.
ग्रामपंचायत कार्यालयापासून दिंडीला सुरुवात झाली. माणदेवी मंदिर चौक, भोसले वस्ती, जाधव वस्ती, ठाकर वस्ती, माण गावठाण, भैरवनाथ मंदिर या भागांत स्वच्छतेसंदर्भात जनजागृती करण्यात आली. सरपंच अर्चना आढाव, ग्रामविकास अधिकारी मदन शेलार, सदस्य संदीप साठे, छाया ओझरकर, युवा कार्यकर्ते सचिन आढाव, विकास सोसायटीचे चेअरमन बापूसाहेब भोसले यावेळी उपस्थितीत होते. स्वच्छता दिंडीत सहभागी झालेल्या महिलांना प्रोत्साहन देण्यासाठी दैनंदिन गृहोपयोगी भांडी प्रदान करण्यात आली.