Pimpri Chinchwadsakal
पिंपरी-चिंचवड
Pimpri Chinchwad: कौशल्यपूर्ण शिक्षणामुळे बालवाडीतील मुलांची प्रगती; महापालिकेचा विशेष उपक्रम, सहा हजारांवर मुलांना फायदा
Child Friendly Schools : पिंपरी महापालिकेच्या बालवाड्यांमध्ये 'पूर्व बाल्यावस्था काळजी आणि शिक्षण' उपक्रमामुळे मुलांमध्ये साक्षरता व कौशल्यांमध्ये लक्षणीय वाढ झाली आहे. सहा हजारांहून अधिक मुलांना सुरक्षित, आकर्षक आणि गुणवत्ता असलेल्या शिक्षणाचा लाभ झाला आहे.
पिंपरी : बालवाडीतील मुलांसाठी गेल्या तीन वर्षांपासून महापालिकेने ‘पूर्व बाल्यावस्था काळजी आणि शिक्षण’ यावर आधारित विशेष उपक्रम हाती घेतला आहे. यामुळे बालकाची साक्षरता, अंकज्ञान आणि विविध कौशल्यांमध्ये २० ते २४ टक्क्यांनी वाढ झाल्याचे निरीक्षण नोंदविण्यात आले आहे. साध्या वर्गखोल्या आता खेळ आधारित शिक्षण, कथाकथन, प्रत्यक्ष अनुभव देणारे चैतन्यशील वातावरणासोबतच एकप्रकारे बालकेंद्रित ज्ञानकेंद्रांमध्ये रुपांतरित झाल्या आहेत.