Baba Maharaj Satarkar : ‘आप’ तर्फे बाबा महाराज सातारकर यांना श्रद्धांजली

पिंपरी, ता. २७ : ज्येष्ठ कीर्तनकार बाबा महाराज सातारकर यांना आम आदमी पक्षाच्या वतीने श्रद्धांजली अर्पण करण्यात आली.

बाबा महाराज सातारकर यांच्या जाण्याने महाराष्ट्राची खूप मोठी हानी झाली असून, ती कधीही भरून येणार नाही, असे ‘आप’चे शहराध्यक्ष चेतन बेंद्रे म्हणाले. त्यांनी आपले अवघे आयुष्य अध्यात्माच्या व वारकरी संप्रदायाचा प्रचार, प्रसार व प्रबोधनासाठी अर्पण केले. आपल्या अनोख्या शैलीने वारकरी संप्रदायाचे विचार सामान्यांपर्यंत घराघरांत पोहोचवले. परदेशातही ज्ञानेश्वरीचा प्रचार व प्रसार केला. त्यांची रसाळ वाणी चेहऱ्यावरील आश्वासक भाव आणि उत्कृष्ट वक्तृत्व हे बाबा महाराजांचे वैशिष्ट्य होते, असे प्रवक्ता प्रकाश हगवणे यांनी नमूद केले.