Tukaram Maharaj Palkhi: तुकोबारायांच्या पालखीचे उत्साहात स्वागत

पिंपरी : आषाढी वारीनिमित्त पंढरपूरहून विठुरायाचे दर्शन घेऊन परतीच्या मार्गावर असलेल्या संत श्री तुकाराम महाराज पालखी सोहळ्याचे शनिवारी (ता. १९) पिंपरी-चिंचवडमध्ये आगमन झाले. .दापोडीजवळील हॅरिस पुलावर पावणे एक वाजता ग्रामस्थांनी आकर्षक रांगोळीसह फुलांची उधळण करीत स्वागत केले. फुगेवाडीतील विठ्ठल रुख्मिणी मंदिरात दीड वाजता पाखली सोहळा पोचला. या ठिकाणी आरती झाली. फुगेवाडी व पिंपरीतील गोकुळ चौकात विसावा घेतल्यानंतर पालखी सोहळा पिंपरीतील भैरवनाथ मंदिरात मुक्कामी पोहोचला. रविवारी (ता. २०) सकाळी सोहळा चिंचवडमार्गे आळंदीकडे मार्गस्थ होणार आहे..शनिवारी (ता. १९) दुपारी पावणेएक वाजता दापोडीतील ग्रामस्थांनी पारंपरिक पद्धतीने रांगोळी सजवून आणि फुलांची उधळण करत पालखीचे मनोभावे स्वागत केले. फुगेवाडीतील मंदिरात ग्रामस्थांनी आरती केली..प्रत्येक घरातून पाच भाकरी, चपाती, चटणी देत ग्रामस्थांनी वारकऱ्यांसाठी भोजनाची व्यवस्था केली होती. दुपारी अडीचच्या सुमारास पाखली सोहळ्याने पिंपरीकडे मार्गक्रमण केले. गोकुळ चौकात विसावा पावणेचार वाजता पालखी सोहळा थांबला. येथे चहा, राजगिरा लाडू, वडापाव आणि केळीचे वाटप केले. नंतर सोहळा शगून चौक मार्गे गावठाणातील भैरवनाथ मंदिरात वाजता पोहोचला. सायंकाळी समाज आरती झाली..तेथे भाविकांनी रांग लावून पादुकांचे दर्शन घेतले. महात्मा फुले महाविद्यालयासमोरील चौकात महापालिकेने स्वागत केले. उपायुक्त अण्णा बोदडे यांनी संत तुकाराम महाराज यांच्या पादुकांस पुष्पहार अर्पण करून स्वागत केले. संजोग वाघेरे, प्रभाकर वाघेरे, संदीप वाघेरे, दत्तात्रेय वाघेरे, उषा वाघेरे, किरण गायकवाड, प्रफुल्ल पुराणिक आदीसह महापालिका अधिकारी, कर्मचारी व नागरिक उपस्थित होते..सोमवारी देहूतआळंदी येथील मुक्कामानंतर सोमवारी (ता. २१) संत तुकाराम महाराज पालखी देहूफाटा, डुडुळगाव, मोशी, चिखली, तळवडे, विठ्ठलवाडी मार्गे जगद्गुरू संत तुकाराम महाराज मंदिरात पोहोचणार आहे..संत गवरशेठ महाराज पालखी सोहळा माउलींच्या भेटीला जाणारपिंपरी ः श्री संत गवरशेठ महाराज लिंगायत वाणी यांचा आषाढी वारीचा परतीचा पालखी सोहळ्याचे आज (ता.१९) शहरात आगमन झाले असून रविवारी हा सोहळा चिंचवड स्टेशन , भोसरी मार्गे आळंदीकडे मार्गस्थ होणार आहे. २००८ नंतर पहिल्यांदाच संत गवरशेठ महाराज व संत ज्ञानेश्वर महाराज या दोन्ही संतांच्या भेटीचा सोहळा पार पडणार आहे. सर्व भाविकांनी या सोहळ्याला उपस्थित रहावे असे आवाहन पालखी सोहळा प्रमुख बाळासो गाडे पाटील यांनी केले आहे. त्यानंतर सोमवारी मोशी - टाळगाव मार्गे हा पालखी सोहळा आपल्या मुळ गावी सुदुंबरे येथे पोचेल..Bombay High Court: ‘तीन तलाक’ विरोधातील गुन्हा खंडपीठात रद्द.मोरया भेटीचा आज सोहळारविवारी पालखी सोहळा सकाळी लिंकरस्त्याने चिंचवडगावात येईल. साडेआठपर्यंत सोहळ्याचा पहिला विसावा असेल. येथे श्रीमन् महासाधू मोरया गोसावी आणि संत तुकाराम महाराज यांच्या पालखी रथ व पादुका भेटीचा सोहळा होईल. त्यानंतर चिंचवड स्टेशन, केएसबी चौक, लांडेवाडी-भोसरी, मॅगझीन चौक, थोरल्या पादुका, धाकट्या पादुका मार्गे आळंदी येथील संत ज्ञानेश्वर महाराज समाधी मंदिरात जाईल. तेथे पालखीचा मुक्काम असेल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.