Drunk Bus Driver Creates Chaos Again in Wakad Area
Sakal
बेलाजी पात्रे
वाकड : आरएमसी मिक्सर आणि अन्य बांधकाम साहित्य वाहणाऱ्या अवजड वाहनांपाठोपाठ खाजगी बस चालकांचा मुजोरपणा समोर येत आहे. हिंजवडीतील मद्यधुंद बसचालकाने तिघा सख्ख्या भावंडांचा जीव घेतल्याच्या घटनेला दोन दिवस उलटत नाहीत तोच याच भागात पुन्हा एका मद्यधुंद खाजगी बस चालकाने विरुद्ध दिशेने भरधाव येत मोटार आणि रिक्षाला जोरदार धडक दिली. बुधवारी (ता. ३) मध्यरात्री झालेल्या या अपघातात मोटारचालक जखमी झाला असून दोन्ही वाहनांचेही मोठे नुकसान झाले आहे.