बेलाजी पात्रे
वाकड : गेल्या काही वर्षांत थेरगाव आणि वाकड परिसर आयटीयन्स आणि रहिवासी क्षेत्र म्हणून वेगाने विकसित झाले आहे; परंतु या विकासाबरोबरच बेशिस्त पार्किंगमुळे होणारी वाहतूक कोंडी ही एक गंभीर समस्या बनली आहे. या समस्येमुळे स्थानिक रहिवासी, नोकरदार आणि व्यावसायिकांना अनंत अडचणींचा सामना करावा लागत आहे. महापालिका प्रशासन व वाहतूक विभागाने समन्वय साधून त्यावर तोडगा काढावा, अशी नागरिकांकडून मागणी होत आहे.