Pune Rain Update : पाऊण तासाच्या पावसात भूमकर चौक चॉकअप, वाहनांच्या रांगा

वाकड : सोसाट्याच्या वाऱ्यासह गुरुवारी (ता. ४) सायंकाळी पाचच्या सुमारास पाऊण तास धो-धो बरसलेल्या पावसामुळे भूमकर चौकातील भुयारी पुलात तब्बल गुडघाभर पाणी साठले.

त्यामुळे वाहनांच्या लांब रांगा लागल्याने आयटीयन्ससह स्थानिक रहिवाशांना मोठ्या मनःस्थापाला सामोरे जावे लागले. अनेक वाहने या पाण्यात बंद पडली.

भूमकर चौकात ही अवस्था व समस्या गेल्या अनेक वर्षांपासून ही समस्या आहे. एखाद्या अवकाळी पावसात अशी अवस्था होत असेल तर पावसाळ्यात काय परस्थिती होईल याचा विचार महापालिका प्रशासनाने करण्याची गरज आहे.

मात्र, ऐन कामावरुन घरी जाण्याची वेळ, त्यात वाकड वाहतूक पोलीसांनी वाहतूक मार्गात केलेले प्रायोगिक बदल अन अचानक आलेला अवकाळी पाऊस यामुळे चाकरमान्यांची मोठी त्रेधातीरपीट झाली.