मावळ तालुक्यात यंदा भातलावणी रखडलेली कारण....

बेबडओहोळ(पुणे) : पाऊस सुरू होताच भात लावणी करण्यासाठी अग्रेसर असणारी गावे, यंदा भातलावणीसाठी रखडलेली आहेत. शिळिंब, जवण या गावात गावात अद्याप भातलावणी सुरू असल्याचे चिञ दिसत आहे. अश्या भातरोपांची कढवाणावरून वाहतूक करताना शेतकरी दिसत आहे. 

ताज्या बातम्यांसाठी डाऊनलोड करा ई-सकाळचे ऍप   
पुण्याच्या बातम्या वाचण्यासाठी येथे ► क्लिक करा

पाऊस सुरू होताच धरण क्षेत्रातील गावे भात लावणीमध्ये पुढे असतात. मोठ्या प्रमाणात या भागात पाऊस पडल्याने लवकर भात लावायला येतात, पण यंदा या गावातीलही परीस्थिती वाईट आहे. आज घडीला देखील जवन, शिळिंब या गावातील शेतकरी भात लावणीसाठी कढवाणावरूण भात रोपांची वाहतुक करताना दिसत आहे. भात वाहतूकीच्या या पध्दतीला पश्चिम पट्ट्यात कढवाण हा शब्द वापरतात तर पुर्व पट्ट्यातील शेतकरी गाढवाण हा शब्द वापरतात. भातखाचापर्यंत कुठलेही वाहतूकीचे साधण जात नसल्याने शेतकरी काढवाणातून जास्तीत जास्त वापर करतात. आजही हिच पध्दत अतीदुर्गम भागात वापरली जाते.

पिंपरी-चिंचवडच्या बातम्या वाचण्यासाठी येथे ► क्लिक करा

मावळ तालुका भात पिकासाठी म्हणून राज्यात ओळखला जातो. त्यातल्या त्यात इंद्रायणी भातासाठी तर सर्वात जास्त, पण यंदा निसर्गचक्रात मोठा बदल झालेला तालुक्यात पहावयास भेटत आहे. महिनाभर पावसाने पाठ फिरवल्याने शेतकऱ्यांनी भातपिके थोड्याफार पावसावर तर नदीच्या पाण्यावर जगवली आहे, पण पाणी देणार तरी किती यामुळे भात पिक चांगलेच संकटात सापडले आहे.

यंदा म्हणावं तेवढा पाऊस होताना दिसत नसल्याने भात रोपांना त्याप्रमाणात तेज नसल्याचे सर्वञ दिसत आहे. कुठे भातरोपे पाण्याविणा पिवळी पडलेली तर कुठे सुकून जातानाचे चिञ दिसत आहे. या उलट पाण्याची कुठलीही सुविधा नसल्याने पावसावरच अवलंबुन असणारे शेतकऱ्यांनी अजुन भात लावणी केलेली नाही. रोज पाऊस पडणाऱ्या आशेवर हे शेतकरी बसुन राहिले आहे. भात खाचरे पाण्याने भरले नसल्याने यंदा केलेली सर्व मेहनत वाया जाण्याची चिन्ह दिसुन लागली आहे. यामुळे अजुनही शेतकरी भातलागवड करतानाचे चिञ पवन मावळातील गावांमध्ये दिसत आहे. 

ऐकावे ते नवलच! कोरोनाने मृत्यू झालेली 'ती' झाली पुन्हा जिवंत