लोकप्रिय बॉलिवूड गायक ऑस्कर विजेता ए आर रहमान आणि सायरा बानो यांनी विभक्त होण्याचा निर्णय घेतलाय. सायरा हिच्या वकिलांनी १९ नोव्हेंबर रोजी एक पोस्ट करत ही माहिती चाहत्यांना दिली. त्यांच्या या निर्णयाने सगळेच चकीत झाले. लग्नाच्या तब्बल २९ वर्षांनंतर त्या दोघांनी घेतलेल्या या निर्णयामागचं नेमकं कारण हेदेखील त्यांनी आपल्या पोस्टमध्ये संगितलं. हे नातं आता आणखी टिकू शकत नाही. नात्यात तणाव आणि अडचणी निर्माण झाल्यानंतर त्यांनी हा निर्णय घेतलाय. अशातच रहमानचा एक जुना व्हिडिओ व्हायरल होतोय ज्यात तो त्यांच्या लग्नानंतरच्या काही कठीण काळाबद्दल सांगतोय.
