"माजोरडी उत्तरं..." हिंदी भाषा सक्तीच्या प्रश्नावर मराठी अभिनेत्याची पोस्ट; "अपेक्षा खरंच मोठी आहे का ?"

थोडक्यात :अभिनेता अक्षय केळकरने मराठी भाषेबद्दल प्रेम व्यक्त करत सोशल मीडियावर भावनिक पोस्ट लिहिली.त्याने मराठी भाषेच्या सक्तीला पाठिंबा देत स्पष्ट भूमिका मांडली.भाषेबाबतचा अभिमान ठेवावा आणि ती जपण्याचे आवाहनही त्याने आपल्या पोस्टमधून केले..Marathi Entertainment News : सध्या महाराष्ट्रात मराठी सक्तीचा मुद्दा चांगलाच गाजतोय. हिंदी सक्तीला विरोध करण्याची भूमिका अनेकांनी घेतली होती. त्यावर अनेक कलाकारांनी सोशल मीडियावर प्रतिक्रिया व्यक्त केला. .अभिनेता अक्षय केळकरने मराठी भाषेबद्दल सोशल मीडियावर पोस्ट लिहीत त्याच्या भावना व्यक्त केल्या. मराठी सक्तीबद्दलची भूमिका त्याने व्यक्त केली. काय म्हणाला अक्षय केळकर जाणून घेऊया. ."माझ्या आजुबाजूला आणि माझ्या व्यवसायात असे माझे अनेक मित्र मैत्रिणी आणि परिचित लोक आहेत, जे जन्माने अमराठी आहेत. केवळ ४ ते ५ वर्षांपासून ते महाराष्ट्रात आणि मुंबईत वास्तव्य करत आहेत परंतू ते खूप छान मराठी बोलतात. त्याच सोबत अशीही काही माणसे आहेत, ज्यांना बरीच वर्ष इथे राहूनही संपूर्ण शुद्ध मराठी शिकायला जमत नाहीये, तरीही तोडकी मोडकी का असेना, पण मराठीत बोलायचा प्रयत्न करतात."."जेव्हा आपल्याला एखाद्या गोष्टीबद्दल आदर असतो, तेव्हा तो आपल्या कृतीतून, प्रयत्नांतून स्पष्ट दिसत असतो.तुम्ही ज्या राज्यात वास्तव्याला आहात, त्या राज्याची भाषा तुम्हाला बोलता येणं ही अपेक्षा खरंच इतकी मोठी आहे? तुम्हाला शुद्ध मराठीची कोणतीही परीक्षा द्यायची नाहीये, तर फक्त गरजेपुरते मराठी बोलता येईल इतकीच अपेक्षा आहे.प्रत्येक राज्य जर तिथे बोलल्या जाणाऱ्या भाषेच्या आधारेच ठरविण्यात आला आहे, तर त्या त्या राज्यात ती ती भाषा बोलली जावी ही अपेक्षा चूक कशी काय असू शकते?"."तरीही, कोणत्याही कारणामुळे, जर इथली भाषा कोणाला बोलता येत नसेल, तर किमान सौजन्यपूर्वक ही बाब मान्य करून, मुजोरी न दाखवता ही संवाद साधता येऊ शकतो. इथे प्रत्येक जण - आपापल्या परीने कमवत आहे, कमवायलाच आलेला आहे. प्रत्येक जण कष्ट करून आपापल्या पद्धतीने जगतो आहे.तेव्हा, स्वतःच्याच जगण्यासाठी मिळवलेल्या उत्पन्नाचा आणि जमवलेल्या संपत्तीचा हा कोणता माज?जरी तुमचा जन्म इथे झाला नसला तरी, आपल्या कर्मभूमी बद्दल किमान आदर तरी असावा!" अशी पोस्ट त्यांनी केली. .अनेकांनी या पोस्टवर कमेंट करत अक्षयच्या मताशी सहमती दर्शवली आहे. अनेकांनी त्याची भूमिका योग्य असल्याचं म्हटलं आहे. .ठरलं! 'चला हवा येऊ द्या' या दिवशी सुरु होणार... विनोदाच्या गँगवारमधून यंदा भाऊ कदम गायब?.FAQs :प्रश्न: अक्षय केळकरने कोणत्या विषयावर पोस्ट लिहिली?उत्तर: त्याने मराठी भाषेच्या प्रेम व सक्तीबाबत सोशल मीडियावर पोस्ट लिहिली.प्रश्न: अक्षय केळकर मराठी सक्तीबद्दल काय म्हणाला?उत्तर: त्याने मराठी सक्तीला पाठिंबा दिला आणि भाषेबद्दल अभिमान बाळगण्याचे आवाहन केले.प्रश्न: पोस्टमधून अक्षय केळकरने काय भावना व्यक्त केल्या?उत्तर: त्याने मराठी भाषेवर प्रेम, जपण्याची गरज आणि अस्मितेची भावना व्यक्त केली.प्रश्न: ही पोस्ट कुठे प्रसिद्ध झाली?उत्तर: ही पोस्ट अक्षय केळकरने आपल्या सोशल मीडियावर लिहिली होती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

"माजोरडी उत्तरं..." हिंदी भाषा सक्तीच्या प्रश्नावर मराठी अभिनेत्याची पोस्ट; "अपेक्षा खरंच मोठी आहे का ?"

Related Stories