Panchayat 3: "आमचे दिग्दर्शक आणि लेखक अजून..."; नीना यांनी सांगितलं पंचायत सिरीजच्या यशाचं सिक्रेट

बॉलिवूड मधील एक आघाडीच्या अभिनेत्री म्हणजे नीना गुप्ता. आजवर नीना यांनी वेगवेगळ्या भूमिकांमधून प्रेक्षकांचं मनोरंजन केलंय. लवकरच त्यांच्या गाजलेल्या पंचायत थ्री या वेब सिरीजचा सीजन प्रेक्षकांच्या भेटीस येतोय यावेळी त्यांनी दिलेल्या मुलाखतीत एनिमल आणि लापता लेडीज या सिनेमांवर भाष्य केलं.

मीना यांनी नुकतीच फर्स्ट पोस्ट या चॅनलला मुलाखत देते यावेळी त्यांना एकीकडे ॲनिमल जवान यांसारखे मुव्हीज प्रचंड कमाई करत असताना लोक लापता लेडीज आणि आर्टिकल 370 सिनेमालाही पसंती देत आहेत याबाबत तुमचं काय म्हणणं आहे असा प्रश्न विचारला यावर मीना यांनी उत्तर दिलं की, "मी तुम्हाला एक उदाहरण देईन, कारण मनोरंजनसृष्टीत कॉन्टेन्ट खूप आहे. पुस्तकांची दुकाने बंद झाली आहेत का? नाही, बरोबर? प्रत्येक गोष्टीची आणि प्रत्येकाची स्वतःची जागा असते. काही लोकांना ‘अ‍ॅनिमल’ चित्रपट आवडतो, काहींना ‘लापता लेडीज’ आवडतो, लोकांना वेगवेगळ्या प्रकारचा कंटेंट हवा असतो कारण लोक सारखे नसतात, सगळ्यांची आवड निवड सारखी नसते.

यासोबतच नीना यांना त्यांनी ही भूमिका का निवडली असा प्रश्न विचारण्यात आला त्यावर त्या म्हणाल्या,"जेव्हा मला एखादी स्क्रिप्ट खूप आवडते तेव्हाच मी त्या प्रोजेक्टला होकार देते.पंचायतची स्क्रिप्ट त्यापैकी एक होती. आणि जशी जशी प्रत्येक सीजनमध्ये आम्ही पुढे जातोय तसतस कथानक अजून उत्तम होतंय. लेखक आणि दिग्दर्शक अजूनतरी त्यांच्या कामामुळे आत्मसंतुष्ट झाले नाहीयेत."

या मुलाखतीत त्यांनी बऱ्याच गोष्टींवरील त्यांची मत मांडली. दरम्यान, त्यांची आगामी 'पंचायत' ही वेब सिरीज अमेझॉन प्राईम वर 28 मे ला रिलीज होतेय. या वेब सिरीज मध्ये त्या साकारत असलेली सरपंचाच्या पत्नीची व्यक्तिरेखा चांगलीच हिट झाली आहे त्यांचा अभिनय अनेकांना आवडलाय

पंचायत व्यतिरिक्त नीना आगामी काळात अनेक प्रोजेक्ट्स मधून प्रेक्षकांच्या भेटीस येणार आहेत. त्यांचे 'बधाई हो', 'वध', 'लस्ट स्टोरीज' हे प्रोजेक्ट्स खूप गाजले आणि आता सगळ्यांना त्यांच्या 'पंचायत 3' वेबसिरीजची प्रतीक्षा आहे.