Ankita Lokhande : "तिला स्टुडंट ऑफ द इयर 3ची ऑफर मिळालीच नव्हती"; अफवांवर अंकिताच्या टीमकडून स्पष्टीकरण

Ankita Lokhande : 'बिग बॉस सीजन 17', 'स्वातंत्र्य वीर सावरकर' या प्रोजेक्टसमुळे चर्चेत असलेली अभिनेत्री अंकिता लोखंडेने पुन्हा एकदा सगळ्यांचं लक्ष वेधून घेतलं आहे. अंकिताला करण जोहरच्या आगामी 'स्टुडंट ऑफ दि इयर 3' या वेबसिरीमध्ये काम करण्याची ऑफर देण्यात आली होती अशी चर्चा होती पण अंकिताने हे वृत्त फेटाळलं आहे.

गेल्या काही दिवसांपासून अंकिताला ‘स्टुडंट ऑफ द इयर 3’ या वेबसिरीजमध्ये महत्त्वाची भूमिका ऑफर करणार असल्याची बातमी होती. पण ही निव्वळ अफवा असल्याचं आता स्पष्ट झालंय.

अंकिताने या वेबसिरीजची ऑफर नाकारल्याचं एका मीडिया रिपोर्टने सांगितलं होतं. " हो अंकिताला स्टुडंट ऑफ द इयर 3 या सिरीजमध्ये काम करण्याची ऑफर देण्यात आली होती. पण तिची यात काय भूमिका होती आणि या ऑफरचं स्वरूप नेमकं काय होतं हे मला माहित नाहीये. पण तिने ही ऑफर नाकारली असून तिच्या या निर्णयामागचं कारण कोणालाच माहित नाहीये." असं सूत्रांनी सांगितलं होतं.

पण आता अंकिताच्या टीमने हे वृत्त नाकारलं आहे. अंकिताला अशा प्रकारची कोणतीही ऑफर आली नव्हती आणि ती कधीच या प्रोजेक्टचा भाग नव्हती असं अंकिताच्या टीमने म्हंटलं आहे.

दरम्यान वर्क फ्रंटवर अंकिता रणदीप हुडा दिग्दर्शित 'स्वातंत्र्य वीर सावरकर' मध्ये सावरकरांच्या पत्नी 'यमुनाबाई' यांची भूमिका साकारली होती. तिच्या या सिनेमातील अभिनयाचं खूप कौतुक केलं. या सिनेमानंतर तिने तिचा पती विकी जैनसोबत 'ला पिला दे शराब' या गाण्यात एकत्र काम केलं होतं.

अंकिता आता संदीप सिंहच्या मॅग्नम ओपस मालिका ‘आम्रपाली’ मध्ये शाही गणिकेची भूमिका साकारण्याच्या तयारीत आहे.

'स्टुडन्ट ऑफ द इयर 3' मध्ये दिसणार 'हे' कलाकार

करण जोहरची निर्मिती असलेल्या 'स्टुडन्ट ऑफ द इयर 3' या वेबसिरीजमध्ये अभिनेता संजय कपूर आणि महीप कपूर यांची मुलगी शनाया कपूर या सिनेमात काम करणार आहे. शनाया मोहनलाल यांच्या आगामी वृषभा या आगामी सिनेमातून सिनेविश्वात पदार्पण करणार आहे. ती करणच्या आगामी 'बेधडक' या सिनेमातून पदार्पण करणार असल्याची चर्चा होती पण तसं काही नसल्याचं स्पष्ट करण्यात आलं. यासोबतच सुहाना खान या सिनेमात काम करणार असल्याची चर्चा आहे. या सोबतच आणखी काही नवीन कलाकार या सीरिजमधून पदार्पण करणार आहेत.